ཀོ་ཝིཌ-༡༩་གི་རྒྱལ་ཡོངས་དུས་མཐུན་གནས་སྟངས།༼༡༡/༠༡/༢༠༢༡༽

དབྱིན་ཟླ་དང་པའི་དབྱིན་ཚེས་༡༠ ཚུན་གྱི་ རྒྱལ་ཡོངས་ཀོ་བིཌ་-༡༩ གི་ དུས་མཐུན་སྙན་ཞུ།

༉ འདས་པའི་ཆུ་ཚོད་༢༤ གི་ ནང་འཁོད་ལུ་ ནད་ཡམས་ཀོ་བིཌ་-༡༩ ཐོབ་མི་གསརཔ་༡༢ བདའ་ཟུན་མི་ཚུ་ཡང་ སྐྱེས་ལོ་༡༦ ལས་༥༡ གི་བར་ན་འབད་མི་ ཕོ་སྐྱེསཿ ༥ དང་ ཨམ་སྲུཿ ༧ ཨིན་པས།

ནད་འབུབ་ཐོབ་མི་ ག་ར་ ཧེ་མ་ལས་ ནད་འབུབ་ཐོབ་མི་ཚུ་དང་ ཐད་ཀར་དུ་ འབྲེལ་བ་འཐབ་མི་ཨིནམ་དང་ འདི་ཡངཿ ཐིམ་ཕུག་ ལྕང་ཟམ་ཏོག་ལསཿ ༡༠ དང་ གཟི་ལུང་ཁའི་ ས་ཁོངས་ལས་༢ ཨིན་པས།

གསོ་བའི་ལྷན་ཁག་གིས་ ད་རེས་ ནད་འབུབ་ཐོབ་མི་ ༢ ནད་གཞི་ལས་ དྲག་ཡོདཔ་སྦེ་ གསལ་བསྒྲགས་འབད་ཡོདཔ།

༼གསོ་བའི་ལྷན་ཁག་གི་དོང་འདེབ་ལས།༽